絲絲講場:朱仔為愛女落場搞AI

Facebook創辦人朱克伯格錫佢囡囡Maxima,可以去到幾盡?就係佢唔幫Fb寫程式,但就為囡囡Max寫!

佢今次為咗湊女,直頭親自落手編寫一套人工智能(AI)系統喺屋企用。佢話呢套人工智能只係基本嘢,用嚟管吓開燈關燈、開閘閂閘、認聲認樣認吓人咁。

想整全景相機影學行

唔止咁,佢囡囡Max依家先得3個月大,但朱仔已經諗定Max學行,準備搞部360度全景相機,用嚟全方位記錄低Max學行片段,等其他屋企人就算唔在場,都一樣好似親歷其境咁睇到Max點學行。

睇嚟,朱仔搞360度全景相機要快手,得番七個零月時間,唔知趕唔趕得切呢可?

余絲韻