創意新勢力：港產手機闖美勁收

去年銷量百萬部計

汰弱留強是商業社會的法則，若能針對強者的弱項，就有機會找到新客源。新基德科技行政總裁薛若海（Danny）坦言，NUU Mobile沒有龐大的研發及生產團隊，但卻有較靈活自主的經營模式，去年手機的銷量以百萬部計。

NUU Mobile今年將與各營運商開拓獨特的漫遊服務，讓用戶外遊時可便捷地選用當地合適的網絡服務。「我哋同咗虛擬營運商MVNO合作，用家將來攞住我哋嘅手機，去到全世界都可按數據用量需要，揀選最優惠嘅數據服務。我哋嘅手機Apps仲可以幫你接駁服務添。」有此服務，用戶不需額外購買另一張電話卡，亦不用再支付昂貴的漫遊費用。

Unlock商機賺首桶金

公司也曾用舊技術開拓美國市場，他指美國各地有不同網絡覆蓋，當地居民對流動網絡數據的需求龐大，於是他們把手機置入解鎖（Unlock）技術帶到美國。解鎖技術讓手機及SIM card可分開銷售，用戶可將其他營運商的SIM Card插入NUU Mobile使用，手機網絡得以通行全國，成為主要賣點。香港手機本身已置入解鎖技術，但美國部分地區卻不然，所以他看準市場缺口，乘勢賺了一桶金。該手機以中低價搶客，手機售價由約700多元至1,800元。

該公司今年亮點是針對跨國企業推出特別的Wifi盒，「這個盒除提供流動上網功能外，企業員工可在外地用佢直接連到公司嘅電郵同伺服器，老闆仲可以用佢嚟限制員工可瀏覽嘅網站，加強跨國企業嘅資訊保安。」Danny料這服務的收費會比跨國企業目前享用的同等服務便宜最少一半，而這Wifi盒的銷售點將是較多跨國企業扎根的國家，包括港、美、英、日、澳及星洲等。

NUU Mobile成為NBA著名球隊—明尼蘇達木狼（Minnesota Timberwolves）的贊助商之一，此針對性宣傳效果不錯。Danny笑言，「我係NBA粉絲！而Timberwolves同我哋公司都好願意培育新人，加上明尼蘇達州又係我地主要銷售點之一，合作夥伴Best Buy同Target都睇好呢個市場，所以我哋做咗呢個宣傳，相得益彰。」

進軍歐亞 擬回流港

Danny滿意公司去年業績，今年會逐步將戰線擴至英國、荷蘭、印尼及馬來西亞等地。至於香港，Danny坦言，「雖然香港手機市場相對狹窄，但我哋係香港公司，又喺外國做到成果，所以希望將做得較好嘅產品帶番香港，我仲打算喺香港推出旗艦手機呢！」