內地有唔少人氣車模，憑住玲瓏浮凸嘅身材、迷人嘅樣貌同性感嘅造型，而被網民冠以車模天后之名。不過當大家見過韓盼盼之後，就會發現以前嗰啲所謂車模天后都要行埋一邊，皆因擁有高挑身材嘅盼盼，外形無可挑剔，火辣身材更係令人着迷，最重要就係佢散發出一股高貴氣質，呢啲先至係實至名歸嘅車模天后！
現年24歲嚟自湖北武漢嘅韓盼盼，身高178cm，身材高挑，加埋魔鬼級數嘅三圍，呢副胴體足已令男人心動。早於2009年投身模特兒界嘅盼盼，先後喺多個國際車展、全國巡迴車展、成都車展等以車模身份亮相，憑住出眾嘅外形同獨特氣質，加上性感迷人嘅魔力，令佢獲得「華中第一車模」嘅美譽，更成為某個汽車品牌嘅全國巡迴車展御用車模。
除咗喺車模界揚名外，盼盼曾參加多個模特兒及選美比賽，並且獲得亮麗嘅成績，當中包括世界旅遊王后總決賽最佳體形獎、世界旅遊小姐最佳氣質獎、南方新絲路模特兒大賽亞軍、國際小姐大賽中國總賽區季軍、中國足球性感寶貝大賽總冠軍等，獎項之多足以證明佢魅力非凡。隨住人氣飆升，盼盼嘅活動範圍唔再局限喺車模界，更成為香水品牌嘅特邀模特兒，又行時裝騷以及為擔任化妝品宣傳大使。盼盼嘅模特兒事業如此理想，除咗憑住天賦本錢，更在於佢努力不懈，先至可以獲得今日佳績。
同好多成名嘅模特兒一樣，盼盼近年開始進軍演藝界。大家都知以往有唔少人氣模特兒勇闖影視圈，只係當中有幾多個可以成功站得住腳呢？對於盼盼嚟講，呢點絕對唔使擔心，事關畢業於中國傳媒大學嘅佢，不但深知媒體需要乜嘢，具有高學歷嘅佢更擁有非一般嘅學習能力，加上佢嘅堅持同毅力，故此得到唔少參與演出電視劇同電影嘅機會。曾經同盼盼合作過嘅工作人員表示，佢領悟能力高，掌握角色相當了得，大讚佢具演員潛質。
另一方面，盼盼能夠成功吸引到大家嘅眼睛，在於佢優雅動人嘅氣質，呢種氣質係點樣煉成呢？佢表示以前做事總係勇往直前係咁衝，從來冇理會其他人感受，加上佢過分專注工作，令人覺得佢難以接近。其後佢學習瑜伽，性格漸漸改變，凡事都會思考清楚，喺待人接物上，懂得顧及他人感受。對佢嚟講，學習瑜伽嘅得着，唔單止可以保持迷人體態，更令身體更加健康，同時煉成優雅動人嘅氣質。
簡介：韓盼盼嘅魔鬼身材固然令男士流晒口水，一對修長美腿同樣魔力十足，配合埋佢優雅嘅氣質，難怪佢能夠成為車模界中嘅第一人。如果想知道佢近況，記得緊貼佢嘅個人微博，追貼佢每日同大家分享嘅生活同工作點滴喇！
網址：www.weibo.com/hpp1202
出生地：湖北武漢
身高：178cm
三圍：35、23、35
撰文：魂