絲絲講場：成世人條數點計？
加拿大皇家資本市場出咗份報告，將成世人分成6個階段。每個階段主宰住你點樣同啲錢追追趕趕、高高低低，條數一眼睇晒。
1）一出世，斷估唔曉賺錢啩。
2）出到社會做事，賺到、會使、儲啲、又欠落人啲，樣樣有啲。
3）結婚生仔，有咗兒女債、使多咗，自然儲少咗。
4）再年長啲啲，仔女出晒身（望係咁望），終於可自己儲番多幾蚊。
5）退休之後，有出冇入，齋食老本。
6）最後同世界講拜拜，但求冇「手尾」跟，咁就至完美。
睇完呢6個階段，個心仲係東歪西倒忽高忽低？上「on.cc東網」睇埋張「生產力vs年歲」圖，睇吓自己生命流連去到邊。記住，沿途就算意外脫軌，遊戲之中，忘掉輕重。
余絲韻