絲絲講場：五大富豪身家日縮678億

點叫做富貴如浮雲？前日多得內地A股帶挈，全球股市大冧，今年開市第一日，全世界至有錢嗰五位富豪身家即刻唔見咗678億元港紙，即係舊年財政預算案財爺派嗰粒糖嘅兩倍。

當中縮水縮得最甘嘅，係亞馬遜舵手貝索斯，一夜冇咗大概288億港元。不過，佢舊年全年身家漲咗2,418億港元，對比下，佢前晚跌嗰啲真係算粒糖o架咋。呢啲先叫富貴如浮雲，高到無頂！

余絲韻