最衰係見識過十一月假傳聖旨，深港通假開車消息都可以挾七、八百點的瘋狂，連想做認購認沽期權短倉賭「縮窩」，都形同雞胡牌走去博人哋爆棚，相當制唔過。昨日個市無乜好講，恒指158點波幅，十二月期指因為開市價出奇地偏低，結果有229點波幅。撇開早市的輕微錯價，十點後期指高低位22,484及22,334點，得150點上落，成交縮返落9.9萬張，如斯市況，除咗靜靜坐住舊盤之外，玩即市隨時係做多錯多。
牛皮待變格局未改，成本價22,400點樓上的三分一注淡倉，繼續保持不加注不亂去止蝕的策略，靜候市況出現真正的突破。
John Mullen