內衣製造商維珍妮（02199）上市主要為在越南開廠籌資。揀越南除因嗰邊有稅務優惠、人工又平啲外，主席洪游奕自爆，仲有因為貪當地女人隻手！
維珍妮本身嘅生產基地喺深圳，做Bra都係用緊中國女工。洪主席話，要做一個好Bra，手勢好重要，越南女人對手同中國女人差唔多大，手勢又差唔多，所以佢揀喺越南開。佢仲即場同大家分析佢哋生產嘅Bra同市面上其他產品有咩唔同。
洪主席雖然係男人一個，但佢唔單止對Bra嘅不同部件都瞭如指掌，開廠時連女工隻手嘅大細都考慮埋，唔怪得維珍妮可以接到Victoria's Secret呢啲大客。