上下晝股東會氣氛天與地
長建（01038）昨日上午就合併方案先召開股東特別大會EGM，會上氣氛較下午的電能（00006）股東會明顯輕鬆好多。
「集團唔會只睇錢」
昨日會上有小股東問主席李澤鉅，若長建與電能合併成功後，有無必要改名，董事局又使唔使30人咁多？李澤鉅就話：「集團睇錢以外都要睇人情，兩間公司合併，一加一等於二，咁個Board咪30人囉。」
他又話合併後取名更為簡單，「一間叫基建，一間叫實業，夾埋一齊咪叫長江基建實業囉，就係咁簡單！」
長建「染藍」再夢碎
雖然長建主席李澤鉅多次重申不在乎長建是否「染藍」，但若然長建成功與電能合併，便可取代電能躋身藍籌股之列。被視為李澤鉅一手湊大的長建，曾於九七年八月成為恒指成分股，於○八年六月被剔除，其後間中有投行預測長建將在恒生指數成分股（藍籌股）季檢「染藍」，奈何次次均中空寶，今次長建若成功與電能合併，由於流通量提高，肯定有助長建重返藍籌行列，但可惜的是長建「染藍」又再夢碎。