「假設你借100蚊，邊種還款選擇平啲？（1）還105蚊；（2）還100蚊加3%」。
呢個係世銀同埋研究機構一齊做嘅調查，訪問咗140個國家15萬位成年人，睇吓全世界嘅金融知識水平去到邊。總共有5條簡單問題，涉及分散危機、通脹、計數、複息四個範疇，揀4條答中3條就唔係金融文盲。結果令人驚驚，總體只有33%人唔算係金融文盲。
上面嗰條係公認至淺嘅，正確答案係（2）。唔識答或答錯？OK，全世界有51%人陪你，好過啲嘛？若唔想再咁，唔該睇多啲財經版。想知埋另外4條題目？嗱就係……噢，唔夠版位添。
余絲韻