雖則剛立咗冬，但感覺仍係秋高氣爽，證券及期貨專業總會今個月廿一同廿二號就搞咗個純玩美食團，去順德歎私房菜，經紀食好嘢兼聯誼，交流一吓股壇心得，難怪反應唔錯，最少要預備一架大巴載滿50人出發，就連該會永遠名譽會長王國安都會去捧場。
純玩團都唔係第一次辦，但今次主題係私房菜，絲絲八到，佢哋會品嘗當地有名嘅「豬肉婆私房菜」同「十三姨私房菜」。點解私房菜名字咁得意，唔通女士下廚好食啲？行程結束前，仲會每人送碗鳳城正宗雙皮奶添，窩心到呢。
聽講，個會十一月同十二月仲搞兩場蛇宴添，佢哋會員真有食神。
余絲韻