講到面試問題，識問一定問呢條，請唔請得過，即知。條快靚正問題就係「你最鍾意你依家/之前份工啲乜？」
呢個係一位高盛前私人財富顧問Becca Brown嘅心得，佢同另一位高盛同事幾年前一齊走出嚟自己開公司，不斷請人In人，結果煉出呢條快靚正面試問題。
一條問題原形畢露
Brown仲話，知道應徵者鍾意做啲乜，唔單止睇到應徵者性格，仲可以同時評估佢啱做咩崗位，請唔請得過，事關啲嘢鍾意做，先會做得好。
佢仲話，最重要係睇答得老唔老實。呢條問題根本無正確答案，簡單直接坦誠答就已經得，若然仲要諗好耐先Chok答，就係咁先，可以Bye。
講到尾，坦誠最緊要，咪以為人家會睇唔出。
余絲韻