絲絲講場：和美招股最想少客認購？

William有解釋，因為機構投資者認購多，如果散戶反應好，可能會分薄國際配售配額。結果，公眾認購只係超購7倍幾，唔使回撥畀公開認購，佢哋反而幾開心喎。

唔畀醫生收利是

絲絲聽聞，喺內地睇醫生，要畀利是，和美喺內地做私家婦產科醫院，咁……William話，內地一般醫生係5,000人仔月薪，因為唔多夠，所以收好多灰色收入幫補，包括係病人利是同藥廠回佣。不過，佢哋和美係行「陽光化」管理，唔畀員工收利是，而佢哋醫生嘅月薪亦有2、3萬蚊人仔。

但習慣即係習慣，有啲準媽咪硬係唔放心，係都要畀利是醫生。William話佢哋啲醫生會退番畀個客，如果個客人硬是唔肯收番，利是就會直接計落收費單度。

順產開刀一半半

內地興自然分娩定開刀？William話一半半。自然分娩一般包三日住宿就5萬人仔，開刀包五日住宿就貴多2萬。不過，佢哋寧願賺少啲，都鼓勵啲準媽盡量自然分娩。絲絲聽聞，佢哋有過明星客o架，邊位？事關私隱，William當然冇講。

余絲韻