吳總忙開「壇」缺席記招
絲絲醒起，嚟緊月尾重慶有個「亞布力中國企業家論壇」，內地重量級企業頭頭齊集。吳總忙緊嘅，絲絲睇怕都係呢「壇」。
尋日龍湖CEO（首席執行官）邵明曉見傳媒時忽然感觸，話龍湖作為民企，「沒有強大的爸爸媽媽」，要靠自己「做大做強」，但依家都得到投資者嘅肯定，「從來沒有感覺那麼好」咁話。
低息發債獲市場肯定
點解咁講？皆因唔似得啲國企，民企無得靠父幹。上個月龍湖發行嘅一筆5年期境內公司債，利息只係3.93厘，呢個幾乎係國企水平嘅低息，佢都爭取到，內房民企嚟講又真係幾叻仔。
余絲韻