運氣嘅嘢，有時真係呢，領匯（00823）七月廿四日公布，將會用66億元人仔，收購上海企業天地1號及2號。
多得阿爺，由嗰日到依家人仔貶值咗有成3%，兌番港幣即是無啦啦慳咗成2.4億蚊！單交易成交期係本月尾，到時人仔會唔會再跌多啲呢？
創興銀行（01111）副主席梁高美懿尋日大呻，依家喺屋邨開舖「有難度」，冇得續租畀人迫遷，「唔係我哋想搬走，而係有啲地方想留低都唔得！」邊個迫遷？梁太冇講喎。不過點解呢兩段稿放埋一齊？純粹巧合。（你懂的。）
余絲韻