拍片交代點使錢
其實根本無人知佢係邊個，事關呢個「佢」以匿名身份整咗個網站，公開向廣大陌生人籌100萬美金，即是港紙780萬。「佢」聲稱呢個係「社交實驗」，如果籌得成，就將未來一年佢點使呢780萬嘅生活，拍片同大家分享咁話喎。網站開咗個幾星期，已經喺美國有啲名，仲聲稱至今已籌到1.2萬美金添，即是差不多港銀10萬。
捐錢嗰個有乜着數？就咁嘅，個網站會登「善長仁翁」張相出嚟表揚。即是連祈福都慳番。
如果真係咁想日行一善成全人哋發達，你除咗畀錢，仲要畀埋地址同信用卡資料。若你勇者無懼成咁，絲絲阻你唔到，亦幫你唔到。
余絲韻