絲絲講場：拍住多啦A夢淘寶有着數
阿里旗下淘寶網任命多啦A夢做代言人，話睇中佢萬能嘅形象。淘寶網副總裁張勤話，雙方聯手可以開啟萬能嘅二次方時代。佢哋仲開咗間「來自22世紀萬能店舖」，兼有埋漫畫「特別篇」添，仲連Pop-up啲聲都變埋喺多啦A夢開頭嗰聲。絲絲好想買「隨意門」！
星期三開始，各位淘寶精可以用手機淘寶買道具Coupon。包括有「試妝魔鏡」，Click一Click美妝產品就可以試效果。仲有「放大燈」，只要用手機鏡頭對準網頁商品，就有優惠。
「砍價刀」就係淘寶精要舉起部手機對商品做出劈嘅動作，就真係可以劈價，傳聞話如果搵埋Friend一齊劈可以劈勁啲。為免其他人當你傻，少人地方先好劈！
每年都推「萬能周」
仲有「分享之手」，就係用自己手機Mon同Friend手機拍一拍，就可以Share鍾意嘅商品，唔使再搵Link。聽講，淘寶網以後每年都會推「萬能周」，可能會有其他道具賣。咁幾時先到隨意門呀！
余絲韻