絲絲講場：星展助港FinTech「追落後」
依家世界各地都話要搞FinTech（金融科技），咩都要有互聯網+概念，不過香港就似乎大幅落後歐美同內地，一個本地知名品牌都未出過。
好在都仲有人睇好香港前景，好似星展香港行政總裁龐華毅（Sebastian）就力撐香港，話香港嘅基礎打得好，對人才嘅吸引力大，絕對有條件追上「亞洲硅谷」深圳。星展香港非常唔話得，出錢出力幫手培養本地FinTech公司，將集團嘅「星展投創計劃」帶到香港。
設工作室 幫初創企業
香港租貴，要搞生意非常艱難，星展香港有見及此，喺灣仔提供一個5,000呎嘅工作室，畀初創企業免費使用，仲會提供埋配套資源同導師支援，希望通過投創計劃培育新一代IT精英，幫香港「追落後」。Sebastian話，互聯網嘅嘢一定要搞，而且要大家一齊搞，多合作多交流，有機會都好想同阿里騰訊合作。
余絲韻