聯想尋日喺北京嘅Tech World粉絲會，要明星有明星，要禮物有禮物，就連求婚都有得睇，呢個粉絲會嘅重點係？就係發布新產品。
今次聯想請到微軟CEO納德拉同英特爾CEO克爾扎尼等科技大佬嚟撐場，聯想CEO楊元慶仲同佢哋兩位玩自拍，梗係用聯想部自拍神器VIBE Shot，仲即場送咗近千部畀粉絲。除咗玩Selfie，楊總又幫彈琴嘅郎朗揭譜，事關郎朗示範緊佢哋智能投影手機功能。
尋日仲有粉絲喺會場向女朋友求婚，有晒花有埋戒指仲跪低埋，咁啱得咁蹺楊元慶就喺附近，見證埋兼向呢對準新人送上祝福。
余絲韻
