阿里主席馬雲話過，「能耐得住寂寞的人是最容易成功的人。」科網奇人金句未必個個聽過，但HMV白武士匯友資本（08088）首席執行官胡景邵就肯定有Follow！尋日講開，佢公司開頭無大集團力撐，曾提及馬雲嘅說話，又自創金句「守得住，有恒心」。
當提到佢同電影公司之間嘅合作，同埋收購知識產權嘅機會，佢就引用咗雷軍成日講嘅「生態圈」概念，睇嚟胡生有留意開呢啲內地企業家喺江湖流傳嘅金句！
話說，HMV將會推出嘅視頻App，可能會為雷軍嘅小米提供電視電影，咁HMV又會唔會同內地網上平台合作？佢就話一定會，依家有幾間傾緊！唔知胡生之前話走「高檔娛樂」路線嘅HMV，貨品遲啲會唔會喺淘寶出現呢？
余絲韻