VIP客冀增至5千
Matthew話，依家內地網購比香港先進，未來公司會重點開拓網購市場，產品會先主打洋參同埋野生參。
據Matthew介紹，現時恒參VIP會員超過100人，佢期望未來兩年超過5,000人。為咗應付需求，佢話公司會再多買一間約3,000方呎的工廠，預計明年一月成交。
公開年輕廿年秘訣
絲絲見Matthew容光煥發，睇唔出佢已經年近半百，佢好受落咁話：「好多朋友都話我似三十幾、四十歲！」，仲即時同絲絲分享平時係食開野生參嚟保養。
提到內地反貪腐，Matthew認為對公司冇太大嘅負面影響，因健康食品有別於奢侈品喎。
余絲韻