雷曼兄弟爆煲之後，大行出身嘅投資或炒房主管自立門戶嘅消息時有所聞，最近絲絲聽到幾間大行嘅前僱員喺香港推出程式對沖基金，屆時港股會唔會更Chok呢？
據一間專為對沖基金提供長期資本嘅HS Group公告話，由Christopher Lee擔大旗嘅Zentific Investment明年初將推一隻程式對沖基金，利用電腦模型喺十三個亞洲股市尋找交易機會。
對沖基金新團隊嘅來頭亦唔嘢小。Christopher曾喺貝萊德任職，喺香港管理過科學主動投資股票部門，佢嘅拍檔有麥格理證券前亞洲及日本量化研究主管Burke Lau、對沖基金公司 MMillennium Capital前員工及現職Zentific首席營運官Michael Friedlander。
依家喺亞洲利用電腦模型處理大量資訊嘅對沖基金唔多，皆因亞洲市場好多元化，好難覆蓋得晒，絲絲唔知今後會唔會多咗基金用呢種策略炒股，但散戶就要小心免畀大鱷吞晒啲血汗錢喇！
余絲韻