由於係中途接任，胡祖六將喺明年四月嘅股東大會上退任，故只有5個月任期。不過，佢有資格再獲委任，但明年就要由股東選舉至可以繼續玩。
明年有資格再選獨董
其實以佢嘅江湖地位，斷估都好大機會選到。佢做港交所獨董，每年可收70萬元酬金。
計埋明年可再選嘅陳子政同莊偉林，明年港交所可最少有3人參與董事選舉。政府委任董事方面，明年許照中同利子厚夠六年任期，按例要退任。
講番胡祖六，投行出身，佢同港交所行政總裁李小加係咪老友，絲絲真係唔知，但兩人同聲同氣都應該冇錯。港交所曾被批評，董事中有唔少係外資大行鬼佬，依家多啲中國人，應該冇人反對！
余絲韻