阿里巴巴喺美國上市，主席馬雲成為全球財經焦點，就連玖龍紙業（02689）董事長張茵都話「看到馬雲好、就能看到包裝好！」。佢話自己亦考慮係咪要買啲阿里股票，以示對阿里同馬雲嘅支持添。
阿里上市令馬雲登上中國首富，對張茵財富排名唔多唔少都會影響。張茵見到馬雲發達都咁開心，原來係因為網購同電商發展，同包裝行業發展有直接關係。
佢話舊年玖紙嚟自網購相關嘅銷售達10%，正好反映喺資訊化時代，網購同電商發展可帶旺包裝行業。由於看好電商行業發展，佢亦考慮自掏腰包，入市購買阿里股票。
馬雲經常強調阿里對內地貿易發展嘅推動作用，就連產能過盛嘅鋼鐵行業，原來亦要透過阿里尋求海外銷售出路。
唐山東華鋼鐵管理層日前就向外電表示，為免要將大量產品蝕本內銷，公司積極透過阿里嘅B2B網站，打開國際市場銷售。又話透過持續嘅努力，公司依家已經有40%嘅產量出口至東南亞、南美和中東等地，仲會繼續進一步擴大產品嘅出口。
余絲韻