兩家機構各自向會德豐地產買咗觀塘海濱道嘅One Bay East，第日大家都係好鄰居。
One Bay East各買一座
宏利舊年四年用45億買入物業，係佢哋歷來最大物業投資之一，仲用埋個命名權改做宏利大廈。
尋日平頂儀式宏利總裁兼首席執行官鄧廣能親自到場，佢哋嘅房產物業總裁仲讚新大廈，準備一六年進駐。
花旗就買咗One Bay East東座，大廈名未改，睇怕要諗一諗，以免同中環花旗大廈撞名。東座原來比隔籬宏利大廈早兩日平頂，花旗集團行政總裁高沛德同亞太區行政總裁卓曦文都到場。
花旗香港及澳門區行長盧韋柏仲講明，呢幢大廈會改寫員工連繫、溝通同工作模式，新屋入伙威力真係唔講得笑。
余絲韻