期指觀瀾：港股後向睇唔通
上周五期指結算，大市延續整個六月的閹悶市況，恒指升23點報23,221點，六月埋單計升0.6%，全個月恒指在22,802至23,397點，共595點波幅內上落，是今年頭六個月以來最窄幅度的月份。
七月期指收報23,107點，較除息後合理值高2點，未見轉倉盤對後市有太大啟示，周五成交4.38萬張，相當淡靜。
近兩年的常態是大市波幅愈玩愈縮，近期更變本加厲，恒指波幅指數逼近九年新低。
值得留意，年初恒指波幅指數曾跌至14樓下，之後急彈，大市亦在短短幾個交易日由23,000點樓上跌至21,197點。當然，波幅指數低同大市短期轉勢無必然關係，觀乎連續六日沽空佔大市成交都縮到單位數水平，看來就連炒家及有套戥需要的大戶都睇唔通後市，偏低的沽空亦都意味大戶挾淡，逼淡友投降誘因唔高。
上周五道指微升，ADR收市價及新加坡莊家開價，不約而同預料今早指數上落唔大。今日基金半年結，會否有粉飾櫥窗活動，反而是期指玩家所要關注的。
總結上半年市況，好友唯一的成功感可能是大市四次挑戰23,000至23,500點阻力區，但就以六月維持時間最耐，到底是圓頂派發抑或成功築起支持再上，筆者都睇唔通。
John Mullen