絲絲講場：許照中焗反擊減佣爭客

網上交易佣金變「8滴」

雖然對比部分經紀行嘅幾蚊一個Trade，10蚊仍然唔係全城最低，但六福金融一向都好少用減佣呢招，睇嚟銀行同部分經紀行「零佣金」風氣真係殺埋身，其他經紀行都要「跟風」，加上政府又死都唔肯恢復最低佣金，中小經紀行都唔可以唔向現實低頭。

許照中話，基本上網上股票交易，成本唔高，今次佣金優惠，適用於新開嘅網上交易戶口客戶。佣金將會降至8滴（即0.08%），每單Trade最低收費10元，更推出首月免佣，優惠上限為590元。佣金優惠期至今年十二月底。

搵「名嘴」代言首選內地

許照中仲大搞噱頭，「買股票，傳愛心」。客戶每單Trade，六福金融會從收取嘅佣金中捐出一蚊予慈善機構。

許照中谷行六福金融宣傳推廣，會唔會考慮搵番個「名嘴」做代言人講吓股市呢？點知許照中話，六福金融成立以來，都未有「名嘴」，佢話好重視質素，如要搵「名嘴」，都首選來自內地，貪佢哋分析力強喎！

余絲韻