話說Fisker去年申請破產保護，資產拍賣原本已經由李澤楷以1.5億元人民幣（約2,478萬美元）投得，而當時有傳曾進入最後競標程序的萬向，就被傳放棄競投。
萬向翻兜願代孭債
但係踏入一四年，故事峰迴路轉喎。Fisker嘅債權人突然向法院申請，要求終止Fisker向李澤楷出售資產嘅交易，並再整多次公開競拍，因為萬向集團旗下嘅萬向美國會競投喎。
絲絲以為，債權人肯咁落力搵埋萬向入局，應該係佢出好多錢啦；點知睇番個價，萬向都只係出2,472萬美元，仲低過李澤楷，但就願意承擔Fisker部分債務。睇來呢單「刁」都有排搞，絲絲都係攞定花生、坐定定等睇戲啦。
余絲韻