踏入一四年，絲絲趁機喺度祝大家有一個幸福愉快嘅二○一四年之外，又提一提各位，參與俄鋁（00486）一年一度facebook「大抽獎」嘅機會又到喇。絲絲聽講今次嘅主題係「估景點」，估中就有機會贏iPad Mini乙部。
話說今年一月廿七日原來係俄鋁當年掛牌四周年嘅大好日子，所以過去三年都曾經搞過「大型活動」嘅俄鋁，今年又再舉辦類似嘅「抽獎」活動。
聽俄鋁嘅公關大員同絲絲講，話今次會由俄鋁嘅吉祥物「俄鋁兔」，帶各網友去俄羅斯及香港唔同景點，只要網友認得出所有景點，就有機會贏走一部iPad Mini。
絲絲聽講個「挑戰」已經開始咗，會喺今個月廿六日截止，各位網友仲有大把時間。而「大抽獎」嘅結果，就會喺一月廿七日嗰個星期公布，就算抽唔中iPad Mini，公關大員話都會有大量「鋁品」相關嘅精美禮品，奉送畀答啱晒嘅網友，各位想挑戰自己嘅網友，不妨立即去俄鋁嘅Facebook頁面度了解詳情啦。
余絲韻