絲絲講場：永隆義工培育兒童探索家

永隆銀行嘅義工小隊又出動喇！早幾日佢哋就帶領屯門區嘅基層兒童遊赤柱，仲化身「探索家」，一齊尋找同細味赤柱文物徑上嘅重要景物同埋事迹。

對於一班基層兒童嚟講，由屯門去赤柱，可能係一件唔簡單嘅事。今次有永隆義工做領隊，就冇有怕啦！為咗令呢班小朋友有一個不一樣嘅假期，永隆銀行早前就贊助由香港基督教女青年會主辦嘅《綠野追蹤》義工活動，仲派出義工同一班屯門區嘅基層兒童把臂同遊赤柱添！

一班鴨仔團遊赤柱不知幾開心，呢班小朋友鬼咁雀躍，笑聲遍布美利樓、赤柱市集、聖士提反書院文物徑等。佢哋化身「小小探索家」，同心協力，搵出唔少赤柱文物徑上嘅重要景物，仲認識埋景物背後嘅事迹。