渡海濠情：反叛性格終止有期
小朋友到咗十零歲就開始進入反叛期，家長講乜都唔聽，但反叛到幾大至識諗呢？美國有間電影公司做咗個調查，發現年輕人到咗廿七、八歲，就會開始接受父母意見，而嚟自凱旋桑拿嘅優優就話，有段時間真係好反叛！
明知有錯
優優話：「小時候一直都好孝順父母，佢哋講乜都唔敢駁嘴，大聲啲同佢哋講嘢都唔敢，但到咗十一、二歲，整個人都開始轉變，周不時同父母吵嘴，有時仲會講啲好難聽嘅說話，搞到佢哋喊晒，當其時知道咁做好唔啱，但好似有把聲音叫我唔使理佢哋，父母話我忤逆，老師話我反叛，我至知道自己進入所謂反叛期，當時就算明知係錯、會後悔，但佢哋一話唔好，我就偏要去做！」
參考意見
你反叛都幾嚴重？優優話：「就係撞板撞得太多，所以好快就知道父母嘅重要性，而且畢業後就搬出嚟一個人住，單獨生活咗幾年就知道與父母同住嘅幸福，所以未到17歲，已經同父母嘅關係改善咗好多，有時遇上問題都會請教吓佢哋，好似啱啱識到條仔唔知佢好唔好，就會叫佢返屋企畀父母睇吓，佢哋話親唔好嘅真係冇個好人，所以喺除夕夜希望天下父母開開心心，子女孝孝順順！」
優優Profile
年齡：21歲
三圍：35-24-35
撰文：小德
攝影：阿德