佢仲承諾絕對唔會因為個人或公司嘅事，利用呢個身份去過問或者麻煩法院。「我願為那些受到冤屈的人們去奔走。我願為法制和社會進步做我力所能及的事」，好有使命感喎！
網友戲稱披「黃馬褂」
網友對潘總呢個新職務有唔少意見，有網友笑稱佢被「招安」，又有網友話佢依家多咗件「黃馬褂」，就唔怕資產被凍，仲有網友對特邀監督員嘅制度好多疑問，直言法院「自己請人監督自己？甚麼邏輯？」
特邀監督員職責係咩？北京法院喺九八年建立呢個制度，由人民法院從人大代表、政協委員、各民主黨派、工商聯、無黨派人士、專家學者、基層群眾中聘請人員監督人民法院審判、執行等工作、並提出意見。