瑞穗早年透過旗下消費金融公司向「黑道」放貸，批出230筆貸款，涉資達2億日圓。但呢啲貸款過晒期都仲未收到數，令人聯想到《半澤直樹》嘅劇情中，有銀行高層同不良企業聯手欺騙銀行貸款。瑞穗喺今年八月成立一個特別調查委員會，調查相關主管同管理層嘅責任。
董事長或引咎落台
最近委員會有決定，初步對約30名主管作出懲處，包括總經理可能會被罰半年停薪，董事長更可能要引咎辭職。
據聞早於一○年底，瑞穗進行內部審查時已發現呢件事，但唔知點解拖咗成三年都唔處理；直至日本金融廳喺今年三月開展調查，呢件案件先浮上水面，所以當局就認為今次銀行反應太慢。