Google業績靚，股價速破千美元，帶挈埋同行，為科網股投資者帶嚟一個好消息，但佢哋嘅行政總裁兼創辦人之一佩奇（Larry Page）都帶咗個壞消息畀大家！佩奇因為聲帶問題，嚟緊都唔會參加Google財務電話會議。
Google上個禮拜發表財務報告後，佩奇就用佢把好低沉、好虛弱嘅聲同員工講「可能以後都唔會再參加Google嘅財務電話會議喇！」不過無論係員工、投資者都冇嚇親，因為佩奇早就宣布自己患有甲狀腺炎。
其實聲帶問題已經困擾咗佢好耐o架喇。今年五月，佩奇透露喺14年前患上重感冒後，聲帶就出現問題。前年夏天當佢再次患感冒後，把聲就變得比以前更「柔和」，好難長時間講嘢，舊年已經因為聲帶問題，缺席咗Google嘅活動啦！
余詩韻