自從「香檳金」iPhone 5s面世之後，絲絲身邊有唔少朋友都趨之若鶩，個個都話想換番部新機。內地更加有網店出售iPhone 5s嘅金色手機貼膜，實行將其他顏色嘅iPhone都改裝成風行嘅「土豪金」顏色！
近日網絡上更流出一批「土豪金」iPad mini 2嘅真機照片，即時吸引大批果粉注意，仲有網友笑言「世界已無法阻止土豪」，「土豪都忙不過來了！」
隨住「土豪金」iPhone 5s大賣，唔少人都關注年底發布嘅iPad 5同iPad mini 2會唔會都推出金色版本。最近網上就流傳出一批「土豪金」iPad mini 2嘅高清照片。同時，亦有Apple員工將iPad mini 2嘅配置信息曝光，指新版iPad同樣提供指紋識別功能，令一眾果粉非常期待！
早前市傳Apple將會在下月發布新一代產品，有分析家就預言可能會係十月十五日，但亦都有傳iPad mini 2交唔切貨，不過Apple目前仍尚未確認發布時間。
至於點解叫做「土豪金」呢？原來因為金色象徵富裕，中國人將黃金作為一種寶貴嘅資產，所以內地媒體就將金色版iPhone 5s稱為「土豪金」，代表彰顯地位嘅新象徵，亦解釋到點解內地同胞對「土豪金」咁狂熱！
余詩韻