英國倫敦時裝周當中有位模特兒竟係男扮女裝，呃晒全場來賓之外，連同場模特兒都估佢唔到，據講呢位男士稍後會接受變性手術，下次就會以女兒身演出喎！嚟自凱旋桑拿嘅螢螢就話千祈咪畀佢見到！
螢螢話：「首先，我十分尊重可以決定自己性別嘅朋友，絕對冇任何歧視成分，但係我覺得你未做手術轉變性別時，你有權以原本或將會成為的性別出現人前，但決定後就不要變來變去，一時男一時女咁，你叫人哋點樣接受，好似我就有個親身經歷，我有個男朋友，佢自小就好喜歡扮女仔，於是好多女仔都同佢做姊妹，有時更會搵埋佢做『閨密』傾訴心事，玩夜咗更齊齊大被同眠添，但唔係有性關係，而係普通瞓覺嗰隻。」
咁後嚟又點呀？螢螢話：「大家一直都當咗佢喺好姊妹，點知有日佢竟以男裝出現我哋眼前，大家心裏都打咗個突，眼前嘅究竟仲係咪我哋認識嘅好姊妹呢？如果唔係，當日講嘅秘密，佢仲會唔會保守呢？你話咁樣係咪令人好傷腦筋呢？點知過幾日，佢又扮回女生，但我哋已經開始疏遠佢，只做點頭之交，唔敢再同佢講乜嘢心事，大家心裏都好唔開心，但無辦法，腦海中嘅形象破壞咗，要變回以前已經好困難！」
年齡：20歲
三圍：35-24-35
撰文：小德
攝影：阿德