絲絲講場：王浵世出山「執掌」綠森
民生銀行前行長（01988）王浵世喺銀行界縱橫多年，近期係傳媒活躍曝光，開咪寫文章瓣瓣掂，勢估唔到最近又再出山，剛剛做咗綠森集團（00094）嘅非執行主席。王浵世呢次轉戰民企，可見戰鬥力十足，準備再創事業高峰。
先後任職滙豐民行
王浵世可謂銀行界嘅老行尊，又係滙豐銀行嘅老臣子，曾經做過行政總裁，仲幫獅子行係內地開荒，先至有今時今日嘅成績。
之後佢仲做埋民生銀行行長，係第一位香港銀行家能夠做到內地大型銀行嘅行長，都咪話唔威水。所以王浵世次次開Talk，都吸引到大把粉絲希望分享到佢嘅成功秘訣。
王浵世教人要老有所為，今次仲親身示範點樣開創事業新高峰，尋日林木股綠森集團嘅公告就話，委任佢做非執行主席，即日生效。這位資深銀行家領導民企嘅成績如何，叫人拭目以待。
余詩韻