AH對碰：工行可作長線部署

內地數據仍疲弱

總結上半年表現，中國股市以跌幅計，冠絕全球，期內累跌近14%， 證明人行收水，結構性調整的威力有幾勁。至於下半年走勢如何，又是坊間大做預測的時候，可以嘗試從微細資料找尋線索。

首先，據內地一個基金的數據，六月份證券投資者信心總指數為45.1，按月跌17.24%，按年跌0.88%，是今年以來信心最差的一次。

另外，截至六月二十一日止，A股有效帳戶較半年前淨減了近400萬個，情況都好嚴重，會否是黎明前的黑暗，大家不妨細味。

至於六月份官方製造業PMI降至50.1，創四個月新低，顯示內地經濟繼續放緩，但數據唔算好出乎市場預期，七月股市可否戲劇性翻身，仲係五五波，短炒宜細注兼快手，中長線就應從價值法入手，優化組合。

內地錢荒風暴獲紓緩，跌得勁的內銀股連日上升。據港交所資料，淡馬錫於上周三，以每股平均價4.602元，增持工商銀行（01398）1.26億股，持股量升至8.07%，愈持愈多貨。

工行股價連升三日後，就算短線有機會出現短炒盤獲利走人，但開始見到可以長期持貨的價值，投資者亦漸漸進場，亦都唔排除於快速調整後，後市可試衝5元關。

一飛