美元資產一枝獨秀，上星期五高收，兌所有主要外幣幾乎全部破位，一方面建基於退市預期，另一方面一眾外幣又唔爭氣。
美元能否一枝箭再上衝，其實有一定變數，雖然筆者仍看好美元，不過炒外匯有時要計值博率，而家開盤其實相當尷尬。要是美國失業率繼續遠離7%而新增職位不足20萬份，雖然未至於令市場扭轉美國退市大方向，不過要美聯儲喺九月中即刻減少買債規模嘅機會就減低，不利美元短期走勢，外幣有條件進行反撲，如果要博外幣反彈，一定要揀一隻跌得最殘，其中澳洲紙係筆者開始留意嘅貨幣之一。
睇番澳元四月中在1.0580開始下跌，短短兩個半月跌足1,400點子，再急跌空間有限。若果本星期兩大誘因：RBA未有減息而美國就業數據未如理想，或可令淡友先行收手。預期今個星期區間以0.90至0.93為主，跌至0.908水平小注博反彈，跌穿0.90止蝕，目標0.9250。
GMO CLICK環球通副總裁 陳健豪