投資瓣瓣掂嘅葉茂林仲話，無論買樓定買舖，「This is the right time to buy」，皆因依家隨時有議價空間，如果業主肯減價30%就值得買，否則就要等。
鍾情港島物業夠保值
因為佢相信，樓價面對政府打壓，加上息口「今年年尾唔加，出年都會加」，屆時經濟、樓市就會受到衝擊。
不過，行動最實際，佢自己真係有做功課，依家已睇定唔少商舖、單幢物業，個人則較鍾情港島區，因本身住港島區，又覺得港島區啲樓點都保值過九龍。
至於證券生意講人流，所以耀才總部就揀九龍區，家陣更加設後備中心，前後仲斥資幾千萬元搞好個網上交易系統，連佢都話「依家證券行若想生存，只能發展網上買賣」。
余詩韻