一向以嚟TCL通訊產品銷售約八成嚟自海外市場，搞到市場都好擔心海外經濟唔掂影響咗公司嘅銷售。
中價產品西歐暢銷
不過絲絲尋日就聽聞因為經濟唔好，當地居民喺消費上面都比之前審慎，買智能電話都寧願揀啲比較實用嘅產品，呢樣正迎合TCL通訊今年推中價產品嘅策略，公司喺德國、法國、意大利等西歐地區嘅銷情仲好好，歐洲市場會繼續係業務嘅主導地區。
中國智能手機市場經過早兩年井噴式發展之後，TCL通訊估計內地市場今年整體增長會有所放緩，成個市場嘅智能手機增長只得4成左右，所以公司就覺得中國市場係要靠做數量，而賺錢都係要靠海外市場。
余詩韻