呢間投行嘅資深員工，兩年前醞釀集體離職，其中數人更屬證監會SFC認可嘅Principals（俗稱P牌人士），正因為唔夠P牌人，差少少畀SFC叫停新股保薦業務，好彩該行成功挽留其中一組賓架，先至冇成為業界笑柄。事隔兩年，佢哋搭建嘅保薦平台經已成型，就趁今次重整架構唔再同該組港人為主嘅賓架續約。
左右逢源時光不再
佢話十多年前港人賓架曾經係中外大行嘅寵兒，係外資行眼中，認為佢哋個個都係中國通，喺中資行亦被視為飲過洋水，佢話依家已無呢支歌仔唱。雖然港產P牌人無以前咁好撈，但絲絲聽聞上年韓資三星證券收縮投行業務，兩名港產P牌人已過檔長江證券，中投証券最近在港增兵，亦請咗部分P牌，算係補番數。
余詩韻