「股市愈高 條裙愈短」
聽聞佢哋係安倍嘅擁躉，好相信日本經濟會繼續好轉咁話，所以專登着條迷你裙出嚟畀大家做個指標：「如果日經指數愈高，佢哋條裙就會愈短；相反經濟唔好嘅話，佢哋就會着番條長裙。」正因安倍推出措施令到日本股市近期升到嘭嘭聲，屢創新高，所以「街頭經濟師」已經着咗幾星期迷你裙仔喇。聽講就連美國有線新聞網絡（CNN）收到風，都專程搵隊Crew幫佢哋拍咗段短片添！
絲絲聽落都覺得幾合理，事關呢個都可以算係日本人嘅傳統智慧：以前經濟環境好時，就連男士都會有多啲心機同閒錢幫自己扮靚，女士就當然會更加落力；經濟環境轉差時，自然邊個都冇晒心機，惟有隨便着住條長裙就算數囉！
余詩韻