絲絲講場：中金凌瀚燊做埋「中國人」

看重知識 擁四學位

絲絲嘅前美國人朋友、中金（香港）投資銀行業務董事總經理凌瀚燊（Marshall Nicholson），尋日專登通知絲絲，佢喺上個星期五正式成為中國人嘅好消息！

Marshall擁有四個大學學位，自言唔係特別醉心學習，只係深明知識可改變命運嘅道理，於是默默向上爬，靠考取獎學金完成學業。

熱愛亞洲 放棄美籍

呢位老外由美國嚟香港做嘢已經11年，之前由麥格理轉到中銀國際投資銀行副主席兼資本市場部董事總經理，幫過亞洲超過125個客做融資，佢話自己好享受亞洲嘅生活，而為咗工作同生活需要，決定放棄美國國籍，對於今次獲准加入中國國籍覺得好驕傲。

之前聽Marshall講佢有位好hot嘅香港太太，原來佢哋已共度咗第一個10年，咁鬼sweet，難怪對香港有情意結！絲絲喺度歡迎Marshall加入行列，希望你快啲收到新嘅中國香港護照啦！