首航9個月錄百萬客
由於樂桃機票較平而且可預訂10個月內嘅機位，對於一向視日本為第二個鄉下嘅港人梗係好吸引，所以Victor話航班由開始到依家一直好full，而且機上多數係年輕人，仲笑話好似佢嘅年紀就好少數喇！
睇番資料，樂桃舊年首航9個月，已錄得超過100萬名乘客，比預計早咗一個月達標，其實樂桃依家除咗香港線外，仲有首爾同埋台北線，Victor指呢幾條線嘅成績好好，自己作為投資者就當然收貨啦，話畀到成90分，不過仲有進步空間咁話！絲絲係精明消費者，當然想樂桃開得愈多航點愈好，咁樣大家都有着數嘛。