Kelvin話佢搬嚟香港之後就用社交網站搜尋美食熱點，發現咗一間充滿香港風味嘅雪糕店，佢雀躍咁同各位本地薑介紹，嗰間雪糕店有蛋撻、紫米露等口味，真係食過翻尋味。唔只係咁，Kelvin仲稱讚香港嘅點心係全世界最好食o架！
流動收款將有惡鬥
雖然上任無幾耐，但係Kelvin已經諗頭多多，佢話MasterCard可以隨時喺香港推出一項新式支付工具，叫做「MPOS」（流動收款裝置），可以將智能手機當做流動信用卡閱讀工具，佢希望向大型連鎖商戶推介呢個科技，加快付款過程，等大家唔使排隊排得咁耐喎。尋日Visa就同貿發局合作，喺香港第一次推出該行嘅「MPOS」支付工具，會重點向中小型企業推廣。