期指觀瀾：博反彈仲未係時候
溫總發表任內最後一份工作報告，A股昨日反彈2.3%，港股依然故我，連續三日出現高開低收的陰燭，即市恒指高低位在22,661及22,523點，困在周一跌市的範圍內，全日138點波幅，是過去六個交易日以來最細，沽空比例連續四日高於一成，亦是過去十八個交易日裏，第十三次，市底成交唔多，波幅唔大，可是淡友的肉緊程度稍勝一籌。
恒指波幅指數回落0.72至16.15，三月份恒指期權，見23,200、23,400、23,800點認購以及22,200點的認沽，未平倉合約減少超過一百份，變動較大，可能意味淡友一輪急攻後，大戶意識到三月份餘下時間市況波動性有所收窄，先把價外的期權長倉平掉。
事實上，以恒指21,098至23,944點的中期升浪，0.618回吐支持位剛好在22,185點，估計會有較大支持，淡友未必可以予取予攜，順利攻堅。
昨日的悶市，對後市啟示作用唔大，未有倉的可以選擇等大市進一步下試接近22,185點才開始博反彈，又或者趁即市開高小注試沽。昨日現貨收市後，見即市博反彈的投降盤，將期指隊到22,415點，接近全日低位22,419點收市，今日會循同一玩法，以22,575點作止蝕。
John Mullen