政府再施辣招為樓市降溫，一招「雙倍印花稅」隨即趕絕投資者，但對初次買樓的上車客來說並非壞事，一來仍付舊印花稅，二來少了投資客爭盤，故此新辣招對細價樓的影響可謂最輕微。想「平平哋」上車，不妨揀有天橋互相連接的大埔中心、大埔廣場、昌運中心及翠屏花園，不但生活配套齊全，銀碼二、三百萬元有交易，是上車的好選「宅」。
大埔一帶遍布上車屋苑，但講到日常生活最方便就腳，首選四大熱門上車屋苑大埔中心、大埔廣場、昌運中心及翠屏花園所形成的小社區。
雖然上述屋苑位置上離港鐵站較遠，要駁程車才可搭港鐵，但最大特色是各屋苑商場與鄰近社區配套皆有行人天橋連接，四通八達，形成區內人流最旺、生活最便捷的小社區，即使去街市買餸，抑或去巴士總站搭巴士出市區均「有瓦遮頭」，規劃之完善不下於沙田市中心屋苑。
區內代理表示，該四屋苑向來盤源緊張，即使新辣招出台，業主亦「唔憂賣」，加上買家觀望後市，令出招後買賣兩閒。雖然現時大埔屋苑樓價已水漲船高，建築呎價至少六、七千元，但由於單位面積細，銀碼一般二、三百萬元仍有選擇，較市區兩房戶動輒四、五百萬元平得多，不失為上車熱選。
預算有限的上車客，首選單位最「的骰」的翠屏花園，銀碼四屋苑之中最便宜；想「家」住大型商場樓下，享受既方便又時尚的生活，區內規模最大的大埔中心是不二之選；實際至上的上車客不妨揀居屋大埔廣場，逾83%實用率幾近冠絕同區。至於昌運中心貼鄰大埔文娛中心，欣賞文娛藝術表演最就腳。