二○一三年係中國農曆蛇年，相比起龍，蛇總係畀人一種深不可測同神秘嘅感覺，就連新一代「債王」、美國債券基金經理岡拉克（Jeff Gundlach）都用蛇嚟比喻今年環球金融市場，話好多事都盤根錯節、處於準備出擊嘅狀態喎﹗
岡拉克今年第一個演講名為「蛇年」，對今年嘅金市、債市、股市等作預測，佢話美國現時要面對嘅唔係財政懸崖，而係財政危機，因為目前美國嘅債務已經見頂﹗
佢預計美國30年長債孳息率嚟緊一年會下降，今年美散戶持有嘅股票會多過債券。
另岡拉克認為日圓弱勢刺激出口嘅推動下，今年日經指數有望再上揚1,000甚至2,000點。佢個人仲繼續睇好內地滬綜指，認為新興市場表現出色過標普500指數添﹗新債王最後仲奉勸大家一句，今年市場未必能夠好似上年咁大步檻過！