唐軍兩成身家投得
26歲嘅唐軍更係歷屆拍賣冠軍中最後生嘅一位，唐軍幾年前雄心壯志跑到東莞實現創業夢，兩年前創辦咗兩家公司兼任CEO，主要做互聯網金融、幫小企業融資。
唐軍一擲千金，用咗差唔多兩成身家投標，原來係因為佢由高中開始，已經係史玉柱嘅粉絲。佢好想親身聽到史玉柱嘅成功經驗、順便指導下佢嘅發展方向，佢仲話要同史玉柱交流生活智慧，希望對方生活得更幸福，「恨不得現在就能見到他了。」
「名人時間拍賣」兩年前由前央視名嘴王利芬嘅「優米網」發起，除咗史玉柱，今年仲吸引到華遠地產董事長任志強、「中國投行第一人」劉二飛湊熱鬧，兩位嘅「午餐三小時」各自拍到45萬元人民幣，絲絲希望幾位都有個愉快飯局！