「占士邦」系列電影風靡全球，由第一代007辛康納利六四年揸住銀色Aston Martin DB5跑車出場開始，呢隻英國老牌汽車品牌陪住占士邦喺槍林彈雨下化險為夷，幾乎已經成為指定動作，而呢個充滿英倫風嘅品牌，近日傳出有機會畀吉利汽車（00175）收購，染上中國色彩。
吉利近日則傳出有意與潛在買家日本豐田同印度嘅馬恒達，爭購呢間英國老牌車廠。
單刁一方面未得到吉利嘅證實，另一邊廂，Aston Martin嘅控權股東尋求注資多時的科威特私募基金Investment Dar，剛同意以1.9億歐元向私募基金Investindustrial出售車廠37.5%股權，莫非吉利被人截胡？
吉利集團董事長李書福不嬲都鍾情英倫風，舊年個女結婚嗰時，主婚車就係一架Aston Martin，而公司揸住兩成股權嘅英國錳銅控股，仲喺倫敦流動地標黑色的士嘅生產商，今次再出手競購Aston Martin都唔出奇。
今年英國邦迷選出《鐵金剛》系列嘅五十項難忘經典，DB5跑車榮居榜首，每套劇開始，占士邦喺槍管瞄準下走過嘅場面，只排喺第七位。